സ്പൈഡർ പ്ലാന്റ്

ചെറിയ പരിചരണത്തോടെ വീട്ടിൽ എളുപ്പം വളർത്താൻ സാധിക്കുന്ന ചെടിയാണ് സ്പൈഡർ പ്ലാന്റ്. പ്രധാനമായും ശ്രദ്ധിക്കേണ്ട കാര്യങ്ങൾ ഇതാണ്.

നേരിട്ടല്ലാത്ത പ്രകാശമാണ് സ്പൈഡർ പ്ലാന്റിന് ആവശ്യം. നേരിട്ടുള്ള സൂര്യപ്രകാശമേൽക്കുന്നത് ചെടി കരിഞ്ഞുപോകാൻ കാരണമാകുന്നു.

നല്ല നീർവാർച്ചയും പോഷക ഗുണങ്ങളുമുള്ള മണ്ണിലാണ് സ്പൈഡർ പ്ലാന്റ് വളർത്തേണ്ടത്.

അമിതമായി സ്പൈഡർ പ്ലാന്റിന് വെള്ളമൊഴിക്കേണ്ടതില്ല. മണ്ണ് വരണ്ട് തുടങ്ങുമ്പോൾ മാത്രം വെള്ളമൊഴിച്ചാൽ മതി.

ഈർപ്പവും ചൂടുമുള്ള കാലാവസ്ഥയിലാണ് സ്പൈഡർ പ്ലാന്റ് നന്നായി വളരുന്നത്.

മാസത്തിൽ ഒരിക്കൽ ദ്രാവക വളം ഉപയോഗിക്കുന്നത് ചെടി നന്നായി വളരാൻ സഹായിക്കുന്നു.

കേടുവന്നതും പഴുത്തതുമായ ഇലകൾ വെട്ടിമാറ്റാൻ ശ്രദ്ധിക്കണം. ഇത് ചെടി നന്നായി വളരാൻ സഹായിക്കുന്നു.

വീടിനുള്ളിൽ സ്പൈഡർ പ്ലാന്റ് വളർത്തുമ്പോൾ ശ്രദ്ധിക്കണം. ഫാൻ, എയർ കണ്ടീഷണർ തുടങ്ങിയ ഉപകരണങ്ങളുടെ അടുത്ത് ചെടി വളർത്താൻ പാടില്ല.