വാഷിംഗ് മെഷീൻ

വാഷിംഗ് മെഷീൻ വന്നതോടെ തുണി കഴുകുന്ന ജോലി എളുപ്പമായി. വാഷിംഗ് മെഷീൻ ഉപയോഗിക്കുമ്പോൾ ശ്രദ്ധിക്കേണ്ട കാര്യങ്ങൾ എന്തൊക്കെയാണെന്ന് അറിയാം.

വാഷിംഗ് മെഷീനിൽ അമിതമായി സോപ്പ് പൊടി ഇടുന്നത് ഉപകരണത്തിൽ അടിഞ്ഞുകൂടാനും അത് വസ്ത്രത്തിൽ പറ്റിപ്പിടിക്കാനും കാരണമാകുന്നു.

വളർത്തുമൃഗങ്ങൾ ഉപയോഗിക്കുന്ന തുണികൾ വാഷിംഗ് മെഷീനിൽ കഴുകുന്നത് ഒഴിവാക്കാം. അവയുടെ രോമങ്ങൾ മെഷീനിൽ തങ്ങിനിൽക്കാനുള്ള സാധ്യത കൂടുതലാണ്.

പട്ടുപോലുള്ള നേർത്ത വസ്ത്രങ്ങൾ ഒരിക്കലും വാഷിങ് മെഷീനിൽ കഴുകരുത്. ഇത് തുണികൾ മോശമാകാൻ കാരണമാകുന്നു.

വാട്ടർ റെസിസ്റ്റന്റായ തുണിത്തരങ്ങൾ വാഷിംഗ് മെഷീനിൽ ഇടുന്നത് ഒഴിവാക്കാം. ഇത് ഉപകരണത്തിന്റെ പ്രവർത്തനത്തെ ബാധിക്കുന്നു.

ഭാരം കൂടിയ ബ്ലാങ്കറ്റുകൾ ഒരിക്കലും വാഷിംഗ് മെഷീനിൽ കഴുകരുത്. ഇത് മെഷീന്റെ പ്രവർത്തനത്തെ ബാധിക്കാൻ സാധ്യതയുണ്ട്.

കറപറ്റിയ വസ്ത്രങ്ങൾ അതുപോലെ വാഷിംഗ് മെഷീനിൽ ഇടരുത്. കറപറ്റിയ ഭാഗം വൃത്തിയാക്കിയതിന് ശേഷം മാത്രം വാഷിംഗ് മെഷീനിൽ ഇടാം.

ലെതർ, റബ്ബർ തുടങ്ങിയ മെറ്റീരിയലുകളിലുള്ള തുണിത്തരങ്ങൾ വാഷിംഗ് മെഷീനിൽ കഴുകരുത്. ഇത് വസ്ത്രങ്ങൾ മോശമാകാൻ കാരണമാകുന്നു.