ഗ്യാസ് സ്റ്റൗ

അടുക്കളയിൽ ഉപയോഗിക്കുന്ന ഗ്യാസ് സ്റ്റൗവിൽ എപ്പോഴും അഴുക്കും കറയും ഉണ്ടാവാൻ സാധ്യതയുണ്ട്. വൃത്തിയാക്കാൻ ഇങ്ങനെ ചെയ്യൂ.

വിനാഗിരി ഉപയോഗിച്ച് എളുപ്പത്തിൽ ഗ്യാസ് സ്റ്റൗ വൃത്തിയാക്കാൻ സാധിക്കും. കുറച്ച് വിനാഗിരി സ്റ്റൗവിൽ തളിച്ച് തുടച്ചെടുക്കാം.

ഏതു കറയും എളുപ്പത്തിൽ നീക്കം ചെയ്യാൻ നാരങ്ങ നല്ലതാണ്. നാരങ്ങയുടെ നീര് അല്ലെങ്കിൽ നാരങ്ങ തോട് എന്നിവ ഉപയോഗിച്ച് സ്റ്റൗ നന്നായി ഉരച്ച് കഴുകിയാൽ മതി.

നാരങ്ങ നീരിനൊപ്പം ബേക്കിംഗ് സോഡ ചേർത്തും ഗ്യാസ് സ്റ്റൗ എളുപ്പത്തിൽ വൃത്തിയാക്കാൻ സാധിക്കും.

ബേക്കിംഗ് സോഡ ഉപയോഗിച്ചും ഗ്യാസ് സ്റ്റൗ വൃത്തിയാക്കാൻ സാധിക്കും. ബേക്കിംഗ് സോഡയിൽ വിനാഗിരി ചേർത്ത് നന്നായി തേച്ചുപിടിപ്പിക്കാം. ശേഷം കഴുകിക്കളഞ്ഞാൽ മതി.

അരിഞ്ഞ സവാള വെള്ളത്തിലിട്ട് തിളപ്പിക്കണം. വെള്ളം തണുത്തതിന് ശേഷം സ്റ്റൗവിൽ വെള്ളം തളിച്ച് നന്നായി ഉരച്ച് കഴുകിയാൽ മതി.

പാത്രങ്ങൾ വൃത്തിയാക്കാൻ മാത്രമല്ല ഗ്യാസ് സ്റ്റൗ വൃത്തിയാക്കാനും ഡിഷ് ലിക്വിഡ് നല്ലതാണ്.

ഓരോ ഉപയോഗം കഴിയുമ്പോഴും ഗ്യാസ് സ്റ്റൗ വൃത്തിയാക്കാൻ ശ്രദ്ധിക്കണം. ഇത് അഴുക്ക് അടിഞ്ഞുകൂടുന്നത് ഒഴിവാക്കാൻ സഹായിക്കുന്നു.