അച്ചാർ

 വീട്ടിലിടുന്ന അച്ചാറുകളിൽ പൂപ്പലുണ്ടാകാനുള്ള സാധ്യത വളരെ കൂടുതലാണ്. എന്നാൽ ശരിയായ രീതിയിൽ സൂക്ഷിച്ചാൽ പൂപ്പൽ  തടയാൻ കഴിയും .

അച്ചാറിടുന്നത് മാങ്ങയോ, നെല്ലിക്കയോ അല്ലെങ്കിൽ മറ്റെന്തെങ്കിലുമോ ആവാം. എന്ത് എടുത്താലും അവ കഴുകിയതിന് ശേഷം അതിൽ നിന്നും പൂർണമായും ഈർപ്പം പോയെന്ന് ഉറപ്പാക്കേണ്ടതുണ്ട്.

കഴുകിയതിന് ശേഷം വൃത്തിയുള്ള തുണി ഉപയോഗിച്ച് തുടച്ചെടുക്കുകയോ അല്ലെങ്കിൽ വെയിലത്ത് ഉണങ്ങാൻ വയ്ക്കുകയോ ചെയ്യാം. ഇത് പൂപ്പൽ ഉണ്ടാകുന്നത് തടയുന്നു. 

പ്ലാസ്റ്റിക് പത്രങ്ങളിൽ സൂക്ഷിക്കുന്നതിനേക്കാളും ഗ്ലാസ് പാത്രങ്ങളാണ് അച്ചാറുകൾ സൂക്ഷിക്കാൻ നല്ലത്. 

അച്ചാറിട്ടുവെച്ചിരിക്കുന്ന പാത്രങ്ങൾ ഇടക്കിടെ തുറക്കാൻ പാടില്ല. അകത്തേക്ക് വായു കടന്നാലും പൂപ്പൽ വരാൻ സാധ്യത കൂടുതലാണ്.

പുറത്ത് വയ്ക്കുന്നതിനേക്കാളും ഫ്രിഡ്ജിൽ സൂക്ഷിക്കുന്നതാണ് നല്ലത്. ആവശ്യമായ രീതിയിൽ തണുപ്പടിച്ചാൽ പൂപ്പൽ ഉണ്ടാകുന്നത് തടയാൻ സാധിക്കും.

അച്ചാർ തയ്യാറാക്കുമ്പോൾ കൂടുതൽ എണ്ണ ഉപയോഗിച്ചാൽ പൂപ്പൽ വരുന്നത് തടയാനാകും. പാത്രത്തിന് മുകളിൽ എണ്ണ കിടക്കുന്ന രീതിയിൽ ഉപയോഗിക്കാവുന്നതാണ്. 

അച്ചാറിട്ട ശേഷം അത് പാത്രത്തിൽ നിന്നും എടുക്കുമ്പോൾ നനവുള്ള സ്പൂൺ ഉപയോഗിക്കരുത്. ഇത്‌ സ്ഥിരമായി പലരും ചെയ്യുന്ന അബദ്ധമാണ്.