കുടലിന്റെ ആരോ​ഗ്യം അവതാളത്തിലോ?

കുടലിന്റെ ആരോ​ഗ്യം അവതാളത്തിലോ? എങ്കിൽ പ്രകടമാകുന്ന ചില ലക്ഷണങ്ങൾ

കുടലിന്റെ പ്രവർത്തനം തകരാറിലാകുന്നത് മറ്റ് പല ആരോ​ഗ്യപ്രശ്നങ്ങളുമായി ബന്ധപ്പെട്ടിരിക്കുന്നു. 

കുടൽ ആരോ​ഗ്യകരമല്ലെങ്കിൽ പ്രകടമാകുന്ന ചില ലക്ഷണങ്ങളെ കുറിച്ചാണ് ഇനി പറയുന്നത്. 

വയറ് വീർക്കുന്നത് കുടലിൻറെ ആരോഗ്യം അവതാളത്തിലാണെന്നതിന്റെ ആദ്യത്തെ ലക്ഷണമാണ്. നിരന്തരമായി വയറിൽ ഗ്യാസ് കെട്ടുന്നതും വയർ വീർത്തിരിക്കുന്നതും ദഹനത്തെ ബാധിക്കാം.

മലബന്ധമാണ് മറ്റൊരു ലക്ഷണം എന്ന് പറയുന്നത്.  പഴങ്ങൾ, പച്ചക്കറികൾ, ധാന്യങ്ങൾ എന്നിവ ഉപയോഗിച്ച് നാരുകളുടെ അളവ് വർദ്ധിപ്പിക്കുക എന്നതാണ് ഇത് പരിഹരിക്കാനുള്ള ഏക മാർ​​ഗം. 

ഗ്യാസ് ട്രബിളാണ് മറ്റൊരു ലക്ഷണം.ഇത് ചിലർക്ക് സ്ഥിരം പ്രശ്‌നവുമാണ്. ഭക്ഷണം, വ്യായാമക്കുറവ്, സ്‌ട്രെസ് എന്നിവയെല്ലാം ഇതിന് കാരണമാകുന്നു. 

വയറിളക്കമാണ് മറ്റൊരു ലക്ഷണം. വയറിളക്കം സാധാരണയായി ഒരു വൈറസ് അല്ലെങ്കിൽ ബാക്ടീരിയ മൂലമാണ് ഉണ്ടാകുന്നത്. 
 

നെഞ്ചെരിച്ചിലാണ് അഞ്ചാമത്തെ ലക്ഷണം എന്ന് പറയുന്നത്. മസാല അടങ്ങിയ ഭക്ഷണങ്ങൾ കഴിക്കുന്നത് നെഞ്ചെരിച്ചിലുണ്ടാക്കാം. 

കുടലിന്റെ ആരോ​ഗ്യം തകരാറിലായതിന്റെ മറ്റൊരു ലക്ഷണമാണ് ഓക്കാനം. ദഹനവ്യവസ്ഥയുമായി ബന്ധപ്പെട്ട പല തകരാറുകളുടെയും ലക്ഷണമായിരിക്കാം.