കുട്ടികൾ പച്ചക്കറി

ഇങ്ങനെ ചെയ്താൽ മതി, കുട്ടികൾ പച്ചക്കറി എളുപ്പം കഴിക്കും

കുട്ടികൾക്ക് പൊതുവേ പച്ചക്കറികൾ കഴിക്കാൻ മടിയാണ്. രക്ഷിതാക്കൾ കുട്ടികൾക്ക് പച്ചക്കറികൾ ഏത് രീതിയിൽ കൊടുത്ത് നോക്കിയാലും അവർ കഴിക്കാൻ താൽപര്യപ്പെടാറില്ല. 
 

കുട്ടികൾക്ക് പച്ചക്കറികൾ നൽകേണ്ട രീതിയെ കുറിച്ച് ശിശുരോഗ വിദഗ്ദ്ധൻ ഡോ. രവി മാലിക് പറയുന്നു. 
 

കുട്ടികളുടെ പ്രിയപ്പെട്ട കാർട്ടൂൺ കഥാപാത്രങ്ങളുമായി പച്ചക്കറികൾ ബന്ധിപ്പിക്കുക, ഉദാഹരണത്തിന്, ചീര കഴിച്ചാൽ സൂപ്പർഹീറോ ആകാമെന്ന് പറഞ്ഞ് ഭക്ഷണം നൽകുക.

നക്ഷത്രങ്ങൾ, ഹൃദയങ്ങൾ, അല്ലെങ്കിൽ പുഞ്ചിരിക്കുന്ന മുഖങ്ങൾ പോലുള്ള കട്ടറുകൾ ഉപയോഗിച്ച് പച്ചക്കറികളെ രസകരമായ ആകൃതികളാക്കി മാറ്റുന്നത് കുട്ടികളെ പച്ചക്കറി കഴിക്കാൻ പ്രേരിക്കും. 

പ്രിയപ്പെട്ട ഭക്ഷണങ്ങളിൽ പച്ചക്കറികൾ ഒളിപ്പിച്ചു വയ്ക്കുക. ദോശ, ചപ്പാത്തി, ഇഡ്ഡ്ലി എന്നിവ നൽകുമ്പോൾ പച്ചക്കറികൾ നൽകുക. 

സ്പ്രിംഗ് റോളുകൾ, റൊട്ടി റോളുകൾ എന്നിവയിൽ പച്ചക്കറികൾ ചേർത്ത് കൊടുക്കുക. ഇത് അവർ എളുപ്പം കഴിക്കും. 

ഭക്ഷണം പാചകം ചെയ്യുമ്പോൾ കുട്ടികളെ കൂടി കൂട്ടുക. കുട്ടികളെ പാചകത്തിൽ ഉൾപ്പെടുത്തുന്നത് അവരിൽ താൽപര്യം ഉണ്ടാക്കാൻ സഹായിക്കും.