ഹൈപ്പോതൈറോയിഡിസം

ഹൈപ്പോതൈറോയിഡിസം തടയാൻ കഴിക്കേണ്ട ഭക്ഷണങ്ങൾ

ശരീരത്തിൻ്റെ മെറ്റബോളിസവും ഹൃദയമിടിപ്പും നിയന്ത്രിക്കാൻ സഹായിക്കുന്ന ഹോർമോണുകൾ ഉത്പാദിപ്പിക്കുന്ന ഗ്രന്ഥിയാണ് തെെറോയ്ഡ്. 

ഹോർമോൺ സ്രവങ്ങളിലെ ഏറ്റക്കുറച്ചിലുകൾ ഹൈപ്പർതൈറോയിഡിസം, ഹൈപ്പോതൈറോയിഡിസം തുടങ്ങിയ പ്രശ്നങ്ങൾക്ക് കാരണമാകുന്നു. 

ശരിയായ പോഷകാഹാരം തൈറോയ്ഡ് പ്രവർത്തനത്തെ പിന്തുണയ്ക്കുന്നതിൽ നിർണായക പങ്ക് വഹിക്കുന്നതായി പോഷകാഹാര വിദഗ്ധയായ അഞ്ജലി മുഖർജി പറയുന്നു.

ഹൈപ്പോതൈറോയിഡിസം തടയാൻ കഴിക്കേണ്ട ചില ഭക്ഷണങ്ങൾ എന്തൊക്കെയാണെന്നതാണ് ഇനി പറയുന്നത്.

ഇരുമ്പ്, സിങ്ക്, സെലിനിയം, അയോഡിൻ, വിറ്റാമിൻ ഡി എന്നിവയാൽ സമ്പന്നമായ ഭക്ഷണങ്ങൾ ഹൈപ്പോതൈറോയിഡിസം ലക്ഷണങ്ങളെ നിയന്ത്രിക്കാൻ സഹായിക്കുന്നു. 
 

ഇവ അടങ്ങിയ ഭക്ഷണങ്ങൾ കഴിക്കുകയാണെങ്കിൽ നിങ്ങളുടെ മരുന്നുകൾ വലിയ തോതിൽ കുറയ്ക്കാൻ സഹായിക്കുകയും ചെയ്യുന്നു.

അയോഡിൻ അടങ്ങിയ ഭക്ഷണങ്ങളും ഹൈപ്പോതൈറോയിഡിസം സാധ്യത കുറയ്ക്കും.  മത്സ്യം, മുട്ട. തെെര്, പാൽ, ചെമ്മീൻ എന്നിവയിൽ അയോഡിൻ അടങ്ങിയിട്ടുണ്ട്.

സെലിനിയം ഹൈപ്പോതൈറോയിഡിസം സാധ്യത കുറയ്ക്കുന്നതിന് സഹായിക്കും. ദിവസവും രണ്ട് ബ്രസീൽ നട്‌സ് കഴിക്കുകയാണെങ്കിൽ ആവശ്യമായ അളവിൽ സെലിനിയം ലഭിക്കും.

തണ്ണിമത്തന്റെ വിത്ത് ഡയറ്റിൽ ഉൾപ്പെടുത്തുന്നത് തെെറോ​യിഡിന് മാത്രമല്ല മൊത്തത്തിലുള്ള ആരോ​ഗ്യത്തിന് നല്ലതാണ്.

വിറ്റാമി‍ൻ ഡി അടങ്ങിയ ഭക്ഷണങ്ങളും ഹൈപ്പോതൈറോയിഡിസം സാധ്യത കുറയ്ക്കും. ഫാറ്റി ഫിഷ്. ചീസ്, മുട്ട എന്നിവയിൽ വിറ്റാമിൻ ഡി അടങ്ങിയിട്ടുണ്ട്.