ഈ ലക്ഷണങ്ങൾ അവ​ഗണിക്കരുത്

ഈ ലക്ഷണങ്ങൾ അവ​ഗണിക്കരുത്, പ്രമേഹത്തിന്റേതാകാം 
 

രക്തത്തിലെ പഞ്ചസാരയുടെ അളവ് കൂടുന്ന രോ​ഗാവസ്ഥയാണ് പ്രമേഹം എന്ന് പറയുന്നത്. പ്രമേഹം നിയന്ത്രിച്ചില്ലെങ്കില്‍ അവ വൃക്ക, ചര്‍മ്മം, ഹൃദയം, എന്നിവയെ ഉള്‍പ്പെടെ ബാധിക്കാം. 

ഏത് പ്രായത്തിലും പ്രമേഹം വരാം. പ്രമേഹത്തിന്റെ പ്രധാനപ്പെട്ട ലക്ഷണങ്ങൾ എന്തൊക്കെയാണെന്ന് നോക്കാം. 

രാത്രിയിൽ ഇടയ്ക്കിടെ മൂത്രമൊഴിക്കാൻ തോന്നുന്നതാണ് ആദ്യത്തെ ലക്ഷണം എന്ന് പറയുന്നത്. 

രക്തത്തിലെ പഞ്ചസാരയുടെ അളവ് ഉയർന്നതാണെങ്കിൽ വൃക്കകൾ അധിക പഞ്ചസാര ഫിൽട്ടർ ചെയ്യാൻ പ്രവർത്തിക്കുന്നു. ഇത് മൂത്രത്തിന്റെ അളവ് വർദ്ധിപ്പിക്കുന്നതിന് കാരണമാകുന്നു. 
 

പ്രമേഹമുണ്ടെങ്കിൽ ഹൈപ്പർഫാഗിയ അനുഭവപ്പെടാം. ഭക്ഷണം കഴിച്ചതിനുശേഷവും ഉണ്ടാകാവുന്ന അമിതമായ വിശപ്പ്.

എത്ര വിശ്രമിച്ചിട്ടും എപ്പോഴും ക്ഷീണം അനുഭവപ്പെടുന്നതാണ് മറ്റൊരു ലക്ഷണം. 

കെെകൾക്കും കാലുകൾക്കും മരവിപ്പ് അനുഭവപ്പെടുന്നതാണ് മറ്റൊരു ലക്ഷണം. 

രക്തത്തിലെ ബ്ലഡ് ഷു​ഗർ അളവ് കൂടുന്നത് കാഴ്ച മങ്ങുന്നതിന് ഇടയാക്കും.