വയറിലെ കോശങ്ങള്‍ നിയന്ത്രണമില്ലാതെ വളരാന്‍ തുടങ്ങുന്നതാണ് വയറിലെ അര്‍ബുദം അഥവാ ഗ്യാസ്ട്രിക് ക്യാൻസർ എന്ന് പറയുന്നത്.
മാറിയ ജീവിതശൈലിയും ഭക്ഷണരീതിയും
മാറിയ ജീവിതശൈലിയും ഭക്ഷണരീതിയും ഗാസ്ട്രിക് ക്യാന്‍സറിനെ സ്വാധീനിക്കുന്ന ഘടകമാണ്.
വയറിലെ ക്യാന്‍സറിനെ തടയാൻ സഹായിക്കുന്ന ഭക്ഷണങ്ങൾ
ആമാശയ കാൻസറിനെ തടയാൻ സഹായിക്കുന്ന ഭക്ഷണങ്ങളെ പരിചയപ്പെടാം.
സിട്രസ് പഴങ്ങൾ
ഓറഞ്ച്, നാരങ്ങ, മുന്തിരി തുടങ്ങിയ സിട്രസ് പഴങ്ങളിലെ ഫ്ലേവനോയ്ഡുകൾ ക്യാൻസർ കോശങ്ങൾ പടരുന്നത് തടയാന്‍ സഹായിക്കും.
ഇലക്കറികളും ക്രൂസിഫറസ് പച്ചക്കറികളും
ചീര, ബ്രോക്കൊളി, കോളിഫ്ലവർ, ക്യാബേജ് തുടങ്ങിയവ കഴിക്കുന്നത് വയറ്റിലെ കോശങ്ങളെ കേടുപാടുകളിൽ നിന്ന് സംരക്ഷിക്കുകയും ക്യാന്‍സര്‍ സാധ്യതയെ കുറയ്ക്കുകയും ചെയ്യും.
വെളുത്തുള്ളിയും ഉള്ളിയും
വെളുത്തുള്ളിയിലും ഉള്ളിയിലും ക്യാന്‍സര്‍ വിരുദ്ധ ഗുണങ്ങളുണ്ട്. അതിനാല്‍ ഇവയൊക്കെ ഡയറ്റില്‍ ഉള്‍പ്പെടുത്താം.
പയറുവര്‍ഗങ്ങളും മുഴുധാന്യങ്ങളും
തവിട്ട് അരി, ഗോതമ്പ്, ഓട്സ്, പയർവർഗങ്ങൾ, ബീൻസ് എന്നിവയിലൊക്കെ നാരുകൾ കൂടുതലാണ്. ഇവ ആമാശയ ക്യാൻസറിനുള്ള സാധ്യത കുറയ്ക്കും.
ഗ്രീന്‍ ടീ
ഗ്രീന്‍ ടീ ഡയറ്റില്‍ ഉള്‍പ്പെടുത്തുന്നതും ക്യാൻസറിനുള്ള സാധ്യത കുറയ്ക്കും.