Food
ദിവസവും ഒരു പിടി പിസ്ത കഴിച്ചോളൂ, കാരണം
100 ഗ്രാം പിസ്തയില്‍ 20 ഗ്രാം പ്രോട്ടീൻ അടങ്ങിയിട്ടുണ്ട്. വിറ്റാമിൻ എ, ബി 6, കെ, സി, ഇ, കാത്സ്യം, അയേൺ, സിങ്ക്, ഫൈബര്‍, ആരോഗ്യകരമായ കൊഴുപ്പ് തുടങ്ങിയവ അടങ്ങിയതാണ് പിസ്ത.
പിസ്തയിൽ ധാരാളം പോഷകഗുണങ്ങൾ അടങ്ങിയിരിക്കുന്നു. ആരോഗ്യകരമായ കൊഴുപ്പുകൾ, പ്രോട്ടീൻ, നാരുകൾ, ആന്റിഓക്‌സിഡന്റുകൾ, ബി 6, ഇ പോലുള്ള വിറ്റാമിനുകൾ തുടങ്ങിയ അവശ്യ പോഷകങ്ങൾ പിസ്തയിലുണ്ട്.
പിസ്തയിൽ മോണോസാച്ചുറേറ്റഡ്, പോളിഅൺസാച്ചുറേറ്റഡ് കൊഴുപ്പുകൾ ധാരാളമായി അടങ്ങിയിട്ടുണ്ട്. ഇത് എൽഡിഎൽ കൊളസ്ട്രോൾ കുറയ്ക്കാനും എച്ച്ഡിഎൽ കൊളസ്ട്രോൾ വർദ്ധിപ്പിക്കാനും സഹായിക്കുന്നു.
ഉയർന്ന പ്രോട്ടീനും നാരുകളും അടങ്ങിയിരിക്കുന്നതിനാൽ പിസ്ത ശരീരഭാരം നിയന്ത്രിക്കാൻ സഹായിക്കും.
പിസ്തയ്ക്ക് ഗ്ലൈസെമിക് സൂചിക കുറവാണ്. ഇത് രക്തത്തിലെ പഞ്ചസാരയുടെ അളവ് കൂട്ടില്ല.
ആരോഗ്യകരമായ കൊഴുപ്പടങ്ങിയ പിസ്ത കൊളസ്ട്രോളും ബിപിയും കുറയ്ക്കാനും ഹൃദയാരോഗ്യം സംരക്ഷിക്കാനും സഹായിക്കും.
പിസ്തയിലെ നാരുകൾ ഒരു പ്രീബയോട്ടിക് ആയി പ്രവർത്തിക്കുകയും കുടലിലെ ഗുണം ചെയ്യുന്ന ബാക്ടീരിയകളെ പോഷിപ്പിക്കുകയും ചെയ്യുന്നു. ദഹനം മെച്ചപ്പെടുത്തുകയും ചെയ്യുന്നു.
ഓക്‌സിഡേറ്റീവ് സമ്മർദ്ദം മൂലമുണ്ടാകുന്ന കേടുപാടുകളിൽ നിന്ന് കണ്ണുകളെ സംരക്ഷിക്കുകയും പ്രായവുമായി ബന്ധപ്പെട്ട മാക്യുലർ ഡീജനറേഷൻ തടയുകയും ചെയ്യുന്നതിനും പിസ്ത സഹായിക്കുന്നു.
വിറ്റാമിൻ ഇ, സിങ്ക്, സെലിനിയം തുടങ്ങിയ ആന്റിഓക്‌സിഡന്റുകളും പിസ്തയിൽ അടങ്ങിയിട്ടുണ്ട്. ഇത് അണുബാധകൾക്കും രോഗങ്ങൾക്കും എതിരെ പ്രതിരോധ സംവിധാനത്തെ പിന്തുണയ്ക്കുകയും ചെയ്യുന്നു.
പിസ്തയിലെ വിറ്റാമിൻ ബി 6 തലച്ചോറിന്റെ ആരോഗ്യത്തെ സഹായിക്കുന്നു.
പിസ്തയിലെ വിറ്റാമിൻ ഇ, ആന്റിഓക്‌സിഡന്റുകൾ എന്നിവ ചർമ്മത്തെ അൾട്രാവയലറ്റ് രശ്മികളിൽ നിന്ന് സംരക്ഷിക്കാനും, ജലാംശം മെച്ചപ്പെടുത്താനും സഹായിക്കുന്നു.