ഐപിഎല്‍ 18-ാം സീസണിലെ ഏറ്റവും മൂല്യമുള്ള താരമാണെങ്കിലും അത് കളത്തില്‍ തെളിയിക്കാൻ റിഷഭ് പന്തിനായിട്ടില്ല. എട്ട് മത്സരങ്ങളില്‍ നിന്ന് നേടിയത് 106 റണ്‍സ് മാത്രം. ശരാശരി 15.14
Image credits: Getty
നായക സമ്മർദം മാത്രമോ?
ലക്നൗ നായകന്റെ മോശം ഫോമിന് പിന്നിലെ കാരണങ്ങള്‍ നിരവധിയാണ്. നായക സമ്മർദമാണ് പ്രധാന കാരണമായി വിദഗ്ധർ ചൂണ്ടിക്കാണിക്കുന്നത്. എന്നാല്‍ അത് മാത്രമാണോ തുടര്‍ പരാജയങ്ങള്‍ക്ക് കാരണം?
Image credits: ANI
വീഴ്ത്തിയത് അഞ്ച് കാരണങ്ങള്‍
പന്തിന്റെ മോശം ഫോമിന് പിന്നില്‍ പ്രധാനമായും അഞ്ച് കാരണങ്ങളാണ് നിരത്താനുള്ളത്. ഏതൊക്കെയെന്ന് പരിശോധിക്കാം
Image credits: Getty
നായക സമ്മർദം
27 കോടി രൂപയുടെ തിളക്കത്തിലെത്തിയ പന്തിന് തനതുശൈലിയില്‍ ഇതുവരെ ബാറ്റ് വീശാനായിട്ടില്ല. നായക സമ്മർദം താരത്തെ കൂടുതല്‍ പ്രതിരോധത്തിലാക്കുന്നതായാണ് മത്സരങ്ങള്‍ തെളിയിക്കുന്നത്
Image credits: ANI
കൂറ്റനടികള്‍ ചതിക്കുന്നു!
ആക്രമണശൈലിക്ക് പേരുകേട്ട താരമാണ് പന്ത്. ഈ സീസണില്‍ ഇന്നിങ്സിന്റെ തുടക്കത്തില്‍ തന്നെ നിലയുറപ്പിക്കാതെ കൂറ്റനടിക്ക് ശ്രമിച്ച് വിക്കറ്റ് വലിച്ചെറിയുന്ന പന്തിനെയാണ് ദൃശ്യമാകുന്നത്.
Image credits: ANI
സ്ട്രൈക്ക് റൊട്ടേറ്റ് ചെയ്യാൻ മടി
മോശം ഫോമിലാണെങ്കിലും സ്ട്രൈക്ക് റൊട്ടേറ്റ് ചെയ്ത് റണ്‍സ് കണ്ടെത്താനുള്ള ശ്രമത്തിന്റെ അഭാവം വ്യക്തമാണ്. ബൗണ്ടറികള്‍ മാത്രമാണ് ലക്ഷ്യം
Image credits: ANI
വരവ് പുറത്തിരുന്നതിന് ശേഷം
ഐപിഎല്ലിന് മുന്നോടിയായി മൈതാനത്ത് സമയം ചിലവഴിക്കാൻ പന്തിനായിട്ടില്ല. ദേശീയ തലത്തില്‍ ട്വന്റി 20 ടീമില്‍ നിന്ന് പന്തിനെ ഒഴിവാക്കിയിരുന്നു. ചാമ്പ്യൻസ് ട്രോഫിയിലും അവസരം ലഭിച്ചില്ല
Image credits: ANI
കളം മനസിലാക്കാതെയുള്ള കളി
വിക്കറ്റിനെ മനസിലാക്കി തന്റെ കളി രൂപപ്പെടുത്താൻ പന്ത് തയാറാകുന്നില്ല. എല്ലാ വേദികളിലുമുള്ള തുടര്‍ പരാജയങ്ങള്‍ ഇതിന് ഉദാഹരണം