ഭക്ഷണ സാധനങ്ങൾ

ഭക്ഷണം സാധനങ്ങൾ ഫ്രിഡ്ജിൽ സൂക്ഷിക്കുമ്പോൾ വളരെയധികം ശ്രദ്ധിക്കേണ്ടതുണ്ട്. ശരിയായ രീതിയിൽ ഇത് സൂക്ഷിച്ചില്ലെങ്കിൽ അണുക്കൾ ഉണ്ടാവാനും ഭക്ഷണം കേടാവാനും കാരണമാകുന്നു.

ഫ്രിഡ്ജ് എപ്പോഴും 40 ഡിഗ്രി ഫാരൻഹീറ്റിന് താഴെയും ഫ്രീസർ 0 ഡിഗ്രി ഫാരൻഹീറ്റിനും താഴെ സെറ്റ് ചെയ്യാൻ ശ്രദ്ധിക്കാം

40 ഡിഗ്രിക്കും 140 ഡിഗ്രിക്കുമിടയിലാണ് ഫ്രിഡ്ജിൽ അണുക്കൾ പെരുകാനുള്ള സാധ്യത കൂടുതൽ. അതിനാൽ തന്നെ ടെമ്പറേച്ചർ സെറ്റ് ചെയ്യുമ്പോൾ ശ്രദ്ധിക്കാം.

പഴങ്ങളും പച്ചക്കറികളും അഴുക്കോടെ ഫ്രിഡ്ജിൽ സൂക്ഷിക്കരുത്. ഫ്രിഡ്ജിൽ വയ്ക്കുന്നതിന് മുന്നേ കഴുകി വൃത്തിയാക്കണം.

വേവിച്ച ഭക്ഷണ സാധനങ്ങൾ ഫ്രിഡ്ജിൽ വയ്ക്കുമ്പോൾ അടച്ച് സൂക്ഷിക്കാൻ ശ്രദ്ധിക്കണം. ഇല്ലെങ്കിൽ അണുക്കൾ ഉണ്ടാവാൻ സാധ്യതയുണ്ട്.

മുറിച്ചെടുത്ത പഴവർഗ്ഗങ്ങൾ ഒരു പോളിത്തീൻ ബാഗിലോ അല്ലാതെയോ പൊതിഞ്ഞ് സൂക്ഷിച്ചാൽ മതി. എത്ര ദിവസം വരെയും ഇത് കേടുവരാതിരിക്കും.

പെട്ടെന്ന് ഉപയോഗിക്കുന്ന സാധനങ്ങൾ ഫ്രിഡ്ജിലും പിന്നീട് എടുക്കേണ്ടവ ഫ്രീസറിലും സൂക്ഷിക്കാം. പാകപ്പെടുത്തിയ ഭക്ഷണങ്ങൾ ഫ്രിഡ്ജിൽ വെച്ചതിന് ശേഷം ഒന്നിലേറെ തവണ ചൂടാക്കരുത്. 

ഫ്രിഡ്ജിനുള്ളിൽ മത്സ്യവും മാംസവും സൂക്ഷിക്കുമ്പോൾ പ്രത്യേകം ശ്രദ്ധിക്കണം. കഴുകി വൃത്തിയാക്കിയതിന് ശേഷം ഓരോന്നും വെവ്വേറെയായി സൂക്ഷിക്കാം.