റാഗി

കുട്ടികൾക്ക് റാ​ഗി നൽകണമെന്ന് പറയുന്നതിന്റെ കാരണങ്ങൾ
 

കുട്ടികൾക്ക് കൊടുത്ത് വരുന്ന പ്രധാനപ്പെട്ട ഭക്ഷണമാണ് റാ​ഗി. ഏറെ പോഷക​ഗുണമുള്ള ഭക്ഷണം കൂടിയാണ് റാ​ഗി. എന്നാൽ മിക്ക കുട്ടികളും റാ​ഗി കഴിക്കാൻ മടി കാണിക്കാറുണ്ട്. 
 

കുട്ടികൾക്ക് റാ​ഗി പല രീതിയിൽ നൽകാവുന്നതാണ്. റാ​ഗി പാൻ കേക്കായും റൊട്ടിയായും ദോശയായുമെല്ലാം കുട്ടികൾക്ക് റാ​ഗി നൽകാം.

കാൽസ്യം ധാരാളമായി റാഗിയിൽ അടങ്ങിയിട്ടുണ്ട്. ഇത് എല്ലുകളെയും പല്ലുകളെയും ബലമുള്ളതാക്കാൻ സഹായിക്കുന്നു. 
 

കുറഞ്ഞ ഗ്ലൈസെമിക് സൂചികയുള്ളതിനാൽ റാഗി രക്തത്തിലെ പഞ്ചസാരയെ നിയന്ത്രിക്കാൻ സഹായിക്കുന്നു. 

റാഗിയിലെ അമിനോ ആസിഡുകൾ ചുളിവുകൾ ഇല്ലാതാക്കി ചർമ്മത്തിന്റെ യുവത്വം നിലനിർത്താൻ സഹായിക്കുന്നു.
 

റാഗിയിൽ ഇരുമ്പ് ധാരാളം അടങ്ങിയിട്ടുണ്ട്. ഇത് വിളർച്ച തടയുന്നതിനും സഹായിക്കുന്നു.
 

നാരുകൾ ധാരാളമായി അടങ്ങിയ ഭക്ഷണമാണ് റാ​ഗി. അത് കൊണ്ട് തന്നെ അമിത വിശപ്പ് തടയുന്നതിന് സഹായിക്കും.