അടുക്കളത്തോട്ടം

സ്വന്തമായി അടുക്കളത്തോട്ടം എല്ലാവരുടേയും സ്വപ്നമാണ്. എന്നാൽ, ആദ്യമായി തോട്ടമൊരുക്കുന്ന ഒരാളെ സംബന്ധിച്ച് അതുണ്ടാക്കിയെടുക്കുക അല്പം പ്രയാസമാണ്. 

എന്നാൽ, അല്പം ഒന്ന് ശ്രദ്ധിച്ചാൽ, മനസുവച്ചാൽ നമുക്കും അടുക്കളത്തോട്ടം ഉണ്ടാക്കിയെടുക്കാം. ‌

ആദ്യമായിട്ടാണ് അടുക്കളത്തോട്ടം ഒരുക്കുന്നതെങ്കിൽ എന്തൊക്കെയാണ് ശ്രദ്ധിക്കേണ്ടത്? 

കൃത്യമായ സ്ഥലം തന്നെ വേണം അടുക്കളത്തോട്ടത്തിന് തെരഞ്ഞെടുക്കാൻ. നല്ല വായുസഞ്ചാരവും നല്ല സൂര്യപ്രകാശവും കിട്ടുന്ന സ്ഥലം തെരഞ്ഞെടുക്കാം. 

തുടക്കക്കാരെന്ന നിലയിൽ വളരെ എളുപ്പം വളരുന്ന, അധികം പരിചരണം ആവശ്യമില്ലാത്ത പച്ചക്കറികൾ വേണം നടാനായി തെരഞ്ഞെടുക്കാൻ. തക്കാളി, പച്ചമുളക്, ചീര ഒക്കെ പരീക്ഷിക്കാം. 

നല്ല മണ്ണും നല്ല വളവും നല്ല വിളവിന് ആവശ്യമാണ്. പോട്ടിം​ഗ് മിശ്രിതത്തിലും തെരഞ്ഞെടുക്കുന്ന വളത്തിലും ശ്രദ്ധ വേണം. പഴത്തോലുകൾ, ഉള്ളിത്തോൽ, മുട്ടത്തോട് എന്നിവയെല്ലാം ചെടികൾക്കിടാം. 

എപ്പോഴും കരുതലോടെ വേണം വെള്ളം നനയ്ക്കാൻ. അമിതമായി വെള്ളം നൽകുന്നതും കുറവ് മാത്രം വെള്ളം നൽകുന്നതും ചെടികൾക്ക് മോശമാണ്. ഓരോ പച്ചക്കറിക്കും വേണ്ട അളവിൽ വെള്ളം നൽകാം. 

നാം നടുന്ന പച്ചക്കറി വിളവെടുക്കുന്നത് നമുക്ക് ഏറെ സന്തോഷം നൽകുന്ന കാര്യമാണ്. എന്നാൽ, കൃത്യമായി പാകമായിട്ട് വേണം വിളവെടുക്കാൻ. അത് മറക്കരുത്.