Agriculture
കൂൺകൃഷി വളരെ ലാഭകരമാണ്. എന്നാൽ, കൂൺകൃഷി തുടങ്ങുമ്പോൾ തുടക്കക്കാർ അറിയേണ്ടതെന്തെല്ലാമാണ്?
ചിപ്പിക്കൂണ്‍, പാല്‍ക്കൂണ്‍, വൈക്കോല്‍ കൂണ്‍ എന്നിവയാണ് കേരളത്തില്‍ പ്രധാനമായും കൃഷി ചെയ്യുന്ന കൂണ്‍ ഇനങ്ങള്‍.
വൈക്കോൽ ഉപയോഗിച്ച് തയ്യാറാക്കുന്ന കൂൺ ബെഡിലാണ് കൂൺ നടേണ്ടത്. ബെഡിനായി തിരഞ്ഞെടുക്കുന്ന വൈക്കോല്‍ മികച്ച ഗുണനിലവാരമുള്ളതായിരിക്കണം.
വൈക്കോല്‍ 5-8 സെന്റീമീറ്റര്‍ നീളത്തില്‍ മുറിച്ചെടുത്ത് വെള്ളത്തില്‍ 12 മണിക്കൂർ കുതിർക്കാൻ ഇടുക
കുതിർത്ത വൈക്കോൽ വെള്ളം വാർന്നതിനുശേഷം 100° ചൂടില്‍ ആവിയില്‍ ഒരു മണിക്കൂര്‍ പുഴുങ്ങിയെടുക്കുക. പുഴുങ്ങിയ വൈക്കോൽ ഇളംവെയിലിൽ ചൂടാക്കുക.
നല്ല കട്ടിയുള്ള സുതാര്യമായ പ്ലാസ്റ്റിക് കൂടാണ് കൃഷിക്ക് അനുയോജ്യം. വൈക്കോല്‍ ചെറുചുരുളുകളാക്കി കൂടിന്റെ അടിഭാഗത്തു വെച്ച് അതിനു മുകളില്‍ വശങ്ങളില്‍ മാത്രമായി കൂണ്‍ വിത്ത് വിതറുക.
കവറിന്റെ മുകളറ്റം വരെ വൈക്കോല്‍ ചുരുളും കൂണ്‍ വിത്തും ഇട്ടശേഷം മുകള്‍ഭാഗം ചരടുപയോഗിച്ചു നന്നായി കെട്ടിമുറുക്കുക. കൂടിന്റെ എല്ലാ വശങ്ങളിലും സൂചി ഉപയോഗിച്ച് ചെറു സുഷിരങ്ങളിടുക.
തയാറാക്കിയ കൂണ്‍ ബെഡുകള്‍ സൂര്യപ്രകാശം കിട്ടാത്ത സ്ഥലങ്ങളില്‍ തമ്മില്‍ തൊടാത്ത അകലത്തില്‍ വയ്ക്കുക. 12 ദിവസം കഴിയുമ്പോൾ പ്ലാസ്റ്റിക് കവര്‍ കീറി കൂണ്‍ ബെഡ് പുറത്തെടുക്കുക
രാവിലെയും വൈകിട്ടും വെള്ളം തളിച്ച്‌ കൊടുക്കുക. കീടങ്ങളെ നശിപ്പിക്കാൻ വെളുത്തുള്ളി ചതച്ച മിശ്രിതം ഉപയോഗിക്കുക.