ഫ്രീസറിൽ സൂക്ഷിക്കരുത്

ഭക്ഷണങ്ങൾ ഫ്രീസറിൽ സൂക്ഷിച്ചാൽ കേടുവരാതിരിക്കുമെന്നത് ശരിയാണ്. എന്നാൽ എല്ലാത്തരം ഭക്ഷണ സാധനങ്ങളും ഫ്രീസറിനുള്ളിൽ സൂക്ഷിക്കാൻ സാധിക്കുകയില്ല.

ഫ്രീസറിൽ നമ്മൾ അധികവും സൂക്ഷിക്കുന്നത് പാൽ ഉത്പന്നങ്ങളായിരിക്കും. പാൽ ഫ്രീസറിൽ വെച്ചാൽ അത് പുറത്തെടുക്കുമ്പോൾ കട്ടിയാകാൻ സാധ്യതയുണ്ട്. ഇത് പാലിനെ കേടാക്കുകയും ചെയ്യുന്നു.
 

വറുത്ത ഭക്ഷണ സാധനങ്ങൾ ഫ്രീസറിൽ സൂക്ഷിച്ചാൽ അതിന്റെ സ്വാദ് നഷ്ടപ്പെടുന്നു. അധിക നേരം സൂക്ഷിക്കാതെ വറുക്കുന്ന സമയത്ത് തന്നെ ഇത്തരം ഭക്ഷണങ്ങൾ കഴിക്കാൻ ശ്രദ്ധിക്കണം.

പാകം ചെയ്തതും അല്ലാത്തതുമായ നൂഡിൽസ് ഫ്രീസറിൽ സൂക്ഷിക്കാൻ പാടില്ല. കാരണം ഫ്രീസറിൽ നിന്നും പുറത്തെടുക്കുമ്പോൾ നൂഡിൽസിന്റെ കട്ടി മാറി മൃദുവായി പോകും. 

വെള്ളരി ഫ്രീസറിൽ സൂക്ഷിച്ചതിന് ശേഷം പുറത്തെടുക്കുമ്പോൾ അവയിൽ ഈർപ്പമുണ്ടാവുകയും അത് കാരണം രുചിയിൽ വ്യത്യാസം ഉണ്ടാവുകയും ചെയ്യുന്നു. 

ഡ്രൈ ഫ്രൂട്സുകൾ മാത്രം ഫ്രീസറിൽ സൂക്ഷിക്കാം. ഫ്രഷായിട്ടുള്ള പഴവർഗ്ഗങ്ങൾ സൂക്ഷിച്ചാൽ അവ എളുപ്പത്തിൽ കേടാവുകയും രുചി വ്യത്യാസം ഉണ്ടാവുകയും ഗുണങ്ങൾ നഷ്ടപ്പെടുകയും ചെയ്യുന്നു

സോസ് ഫ്രീസറിൽ നിന്നും പുറത്തെടുക്കുമ്പോൾ ടൊമാറ്റോ പേസ്റ്റ് ഒരിടത്ത് വെള്ളം മറ്റൊരിടത്തായി വേർതിരിച്ച് കിടക്കുന്നത് കാണാൻ സാധിക്കും.
 

കേടാകുമെന്ന് കരുതി ചോറ് ഒരിക്കലും ഫ്രീസറിനുള്ളിൽ സൂക്ഷിക്കരുത്. ഇത് ചോറിന്റെ രുചിയിലും രൂപത്തിലും മാറ്റങ്ങൾ ഉണ്ടാക്കുന്നു.