Health
വണ്ണം കുറയ്ക്കാൻ ഓട്സ് കഴിക്കേണ്ട രീതി ഇങ്ങനെ
ബ്രേക്ക്ഫാസ്റ്റിന് പലരും ഓട്സ് കഴിക്കാറുണ്ട്. ഫെെബർ ധാരാളമായി അടങ്ങിയ ഓട്സ് മൊത്തത്തിലുള്ള ആരോഗ്യത്തിന് നല്ലതാണ്.
ഓട്‌സിൽ ബീറ്റാ-ഗ്ലൂക്കൻ ഉൾപ്പെടെയുള്ള നാരുകൾ അടങ്ങിയിട്ടുണ്ട്. ഇത് കൊളസ്ട്രോൾ കുറയ്ക്കാൻ സഹായിക്കുകയും ഹൃദയാരോഗ്യം മെച്ചപ്പെടുത്തുകയും ചെയ്യുന്നു.
കൂടാതെ, ദഹനത്തെ സഹായിക്കുകയും കൂടുതൽ ശരീരഭാരം കുറയ്ക്കാൻ സഹായിക്കുകയും ചെയ്യുന്നു. ഓട്സ് ചിയ സീഡ് ചേർത്ത് കഴിക്കുന്നതാണ് എപ്പോഴും ആരോഗ്യത്തിന് നല്ലത്.
ഓട്സും ചിയ വിത്തുകളും പ്രോട്ടീൻ നൽകുന്നു. പ്രത്യേകിച്ച് ചിയ വിത്തുകളിൽ ഒമ്പത് അവശ്യ അമിനോ ആസിഡുകളും അടങ്ങിയിരിക്കുന്നു.
ഓട്സും ചിയ സീഡും തലേ ദിവസം രാത്രി കുതിർക്കാൻ വയ്ക്കുക. ശേഷം രാവിലെ കുടിക്കുക. ഇത് രക്തത്തിലെ പഞ്ചസാരയുടെ അളവ് വർദ്ധിക്കുന്നത് ഒഴിവാക്കാൻ സഹായിക്കുക ചെയ്യുന്നു.
ഓട്സ് കുടലിന് ആരോഗ്യകരമായ കുടൽ ബാക്ടീരിയകളെ പോഷിപ്പിക്കുന്നതിനും സഹായിക്കും. ചിയ വിത്തുകളിൽ ലയിക്കാത്ത ഭക്ഷണ നാരുകൾ അടങ്ങിയിരിക്കുന്നതിനാൽ മലബന്ധ പ്രശ്നം അകറ്റുന്നു.
അര കപ്പ് റോൾഡ് ഓട്സ്, 1 സ്പൂൺ ചിയ സീഡ്, 1 കപ്പ് പാൽ, അര കപ്പ് തെെര്, അര സ്പൂൺ തേൻ എന്നിവ ചേർത്ത് യോജിപ്പിച്ച ശേഷം കഴിക്കുക.
ഓട്സും ചിയ സീഡും തലേ ദിവസം കുതിർത്ത ശേഷം രാവിലെ മറ്റ് ചേരുവകൾ ചേർത്ത് കഴിക്കുകയാണ് വേണ്ടത്.